По финалниот натпревар меѓу Еурофарм Пелистер и Струга, во кој убедливо славеа битолчани, 38-31 беше избран и идеалниот тим на завршниот турнир кај кадетите.
За најдобар стрелец и најкорисен играч беше прогласен Стефан Ѓорѓиески, левото крило на вицепрвакот Струга. Најдобар голман е Мелин Фехми од шампионот Еурофарм Пелистер.
Во идеалниот тим се најдоа двајца членови на шампионот Еурофарм Пелистер – голманот Мелин Фехми и средниот бек Стефан Ѓорѓиевски.
Покрај Ѓорѓиески од Струга, од вицешампионот место во идеалниот тим имаше и за кружниот напаѓач Стефан Матески.
Од Пролет меѓу најдобрите беше левиот бек Горазд Дамчевски, додека од редовите на домаќинот на Ф4, во идеалниот тим се најдоа десниот бек Стефан Поповски и десното крило Јован Петрески.
