„За неовластено користење на името и брендот „СЕХА“, неовластено застапување на лица и неформални групи, како и за организирање на состаноци, го информиравме и ЕХФ. Против тие лица ќе бидеме принудени да преземеме правни активности за да се спречи понатамошна неовластена употреба на името и брендот „СЕХА“ како и појавување во име на Ракометниот сојуз на Југоисточна Европа (СЕХА) и СЕХА д.о.о., Загреб.“
Во текот на август се појавија информации дека некои клубови добиле покани за учество во СЕХА лигата, и се подготвува состанок во Белград. Клубовите биле контактирани од лица телефонски, но не добиле никакви пишани документи или покани. Меѓу клубовите од Македонија што биле контактитани е и Охрид, а имало клубови и од БиХ, Црна Гора, Србија..
Раководството на СЕХА лига чие седиште е во Загреб во врска со појавувањето на претстсвници кои се јавуваат во името на СЕХА лигата , издаде соопштение з ада ги разјасни сите детали.
„Почитувани,
Должни сме да ви го испратиме ова соопштение и да ја разјасниме ситуацијата поврзана со различни информации и јавни изјави на лица и неформални групи на поединци, како и покани за одредени состаноци, кои се појавуваат во последно време, и поврзани со иднината на организацијата и натпреварувањето во регионалната СЕХА лига, која имаше главен спонзор и го користеше името СЕХА – Газпром лига. Ова натпреварување е со согласност и одобрение на националните ракометни федерации и ЕХФ се игра од 2012 година, а сето тоа под организационо раководство на Управниот одбор на Југоисточниот Ракометниот сојуз (СЕХА) и СЕХА д.о.о., Загреб, Металчева 5.
Со СЕХА – Газпром лигата раководи Управниот одбор на Ракометната асоцијација на Југоисточна Европа (СЕХА) која претставена од Божидар Ѓурковиќ како претседател, како и СЕХА д.о.о., Загреб, Металчева 5, претставена од Синиша Остоиќ како директор. Националните ракометни сојузи кои се основачи на Југоисточниот ракометен сојуз (СЕХА) секоја година го потврдуваа учеството на клубови во регионалната ракометна лига (регионална лига).
Секоја година на предлог на Управниот одбор на СЕХА, организациската структура, како и календарот на натпревари беше одобрен од Европската ракометна федерација, како и сите други регионални ракометни лиги (прекугранични лиги) кои се одржуваат во Европа. Соработката помеѓу СЕХА и ЕХФ е на високо ниво сите овие години, за што сведочи потврдата на натпреварот од страна на Извршниот одбор на ЕХФ и неколку последователни пристигнувања на челниците на ЕХФ на Ф4 од СЕХА – Газпром лигата.
Низ годините успешно организирано натпреварување, а особено Ф4, како круна на секоја сезона, се создаде препознатлив бренд наречен „СЕХА“, кој подразбира високи организациски стандарди, јасна организациска структура, календар и натпреварувачки систем. „СЕХА“ е заштитен знак и името го прави единствен и препознатлив „know-how“ во сегментот на организирање ракометни натпревари, во регионот и пошироко.
Како што веќе споменавме, претседателот има право да го застапува и застапува името и брендот „СЕХА“. Ракометниот сојуз на Југоисточна Европа (СЕХА), Божидар Ѓурковиќ и директорот на СЕХА д.о.о., Загреб, Синиша Остоиќ. Сите други поединци или неформални групи кои го користат името „СЕХА“ и се претставуваат себеси во име на Југоисточно ракометно Здружение (СЕХА) или СЕХА д.о.о., Загреб, работат без нивно одобрение и го користат името и брендот без овластување. За неовластено користење на името и брендот „СЕХА“, неовластено застапување на лица и неформални групи, како и за организирање на состаноци, го информиравме и ЕХФ. Против тие лица ќе бидеме принудени да преземеме правни активности за да се спречи понатамошна неовластена употреба на името и брендот „СЕХА“ како и
појавување во име на Ракометниот сојуз на Југоисточна Европа (СЕХА) и СЕХА д.о.о., Загреб.Ракометниот сојуз на Југоисточна Европа (СЕХА) и СЕХА д.о.о., Загреб навреме ќе зборуваат за нивните понатамошни активности, информирајќи ги сите заинтересирани, национални ракометни сојузи, клубови, ЕХФ и медиумите и јавноста, преку нивните официјални канали на комуникација, како и во сите претходни години“, се вели во соопштението на СЕХА.
ПОВРЗАНИ ВЕСТИ
