По одигрувањето на четвртфиналните дуели во Купот на Германија, познати се четирите екипи што ќе се борат за трофејот на Ф4.
Тимовите на Кил, Рајн Некар Левен, Мелсунген и второлигашот Балинген обезбедија место на завршниот турнир.
Најдраматично беше на дуелот меѓу второлигашите Кобург и Балинген. Таму беше 30-30 во регуларните 60 минути, па мораше да се играат продолженија, по кои Балинген беше подобар со 38-33.
Кил преку Гумерсбах, кој го победи со 36-33 обезбеди место меѓу најдобрите четири екипи, додека Рајн Некар Левен беше подобар од Ајзенах со 31-28.
Последниот учесник на Ф4 ќе биде тимот на Мелсунген, кој во дербито го совлада Фленсбург со 30-28 и обезбеди борба за трофеј.
Завршниот турнир ќе се игра во Келн на 12 и 13 април.
