Повремениот репрезентативец на Македонија, Мартин Манасков го продолжи договорот со Охрид на уште една година.
Средниот бек беше еден од главните носители на охриѓани во последните две сезони, а раководството на клубот реши да го задржи во своите редови и за следниот шампионат.
Манасков во Охрид пристигна во 2019 година од екипата на Пролет 62, а во својата кариера го носеше дресот и на Вардар Јуниор и Металург.
Охрид не успеа да избори пласман на европска сцена откако заврши на 6. позиција на табелата и во новата сезона ракометарите на Охрид ќе имаат задача да го поправат лошиот впечаток од претходната и да бидат меѓу најдобрите пет екипи во Супер лигата.
Манасков е четвртиот ракометар кој го продолжува договорот со Охрид. Претходно договорите ги продолжија и Иван Тасески, Јагош Брауновиќ и Филип Николов.