Европската ракометна федерација ги објави официјалните лица за бараж натпреварите од европската зона за пласман на СП 2027.
Македонските арбитри Димитар Митревски и Благојче Тодоровски ќе му судат на повеќекратниот европски, светски и олимписки првак Франција.
Селекцијата на Талант Душебаев ќе се соочи со Чешка во бараж двомечот, а Митревски и Тодоровски ќе делат правда на првиот дуел во Брно.
Овој натпревар е закажан за 13 мај од 20:00 часот во „Вининг Арена“ во Брно, додека реваншот ќе се игра на 17 мај од 17:00 часот во Орлеан.
Двобојот во Брно ќе биде прв официјален меч на клупата на Франција за новиот селектор Талант Душебаев, кој неодамна се раздели со Келце.
Покрај Митревски и Тодоровски, од Македонија ќе биде активен и Ацо Николовски, кој ќе биде делегат на средбата меѓу Црна Гора и Словенија во Подгорица на 14 мај од 18:00 часот.
