Легендарната ракометарка Светлана Цеца Китиќ во интервју за српски „Курир“, отворено зборуваше за семејното насилство што го доживеала од нејзиниот поранешен сопруг.
Најдобрата ракометарка на сите времиња имаше бурно минато. Таа дополнително го привлече вниманието на јавноста со влегувањето во реалното шоу „Задруга“ пред две години.
„Ми се чини дека секоја година има се повеќе жртви на семејно насилство. И самата бев жртва на насилство и знам колку сила ми требаше да го кажам и признаам тоа. Жртвите често имаат чувство на вина дека тие се виновни. Има многу осуди, недоразбирања и селски приказни. Насилниците се добро сокриени, од толку голема љубов доаѓате во ситуација да ве тепаат толку многу што мислиш дека ќе те убијат. На крајот му реков „убиј ме веќе, нема да останам со тебе“. Немав решение, тоа се моментите кога целосно се повлекуваш во себе и стануваш вистинска жртва“, коментираше Китиќ.
Своите најголеми успеси Китиќ ги оствари во Раднички Белград, освои три европски круни, а има и трофеј во Купот на победниците на Куповите.
Најголемите успеси на репрезентативно ниво ги имаше на Олимписките игри со Југославија кога во 1980 и 1984 го освои сребрениот, односно златниот медал.
Кога нејзиниот поранешен тим, Раднички, се натпреваруваше во Регионалната лига, таа беше чест гостин во Македонија.
ПОВРЗАНИ ВЕСТИ
