Машката репрезентација на Македонија славеше против Катар со 39-34 во натпреварот од второто коло во главната рунда на СП.
Еден од подобрите на денешниот натпревар беше голманот Марко Кизиќ, кој одлично си ја заврши работата, а после победата ги сподели импресиите.
,,Навистина одигравме еден одличен натпревар, дадовме се од себе на теренот, успеавме во првото полувреме да ја направиме таа клучна разлика која беше многу важна за нас, едноставно продолживме да играме одлично до самиот крај и заслужено победивме. Бразата транзиција е некој наш стил на игра, треба да ја користиме нашата брзина, да играме брзо, тоа е наша предност, едноставно тоа го практикувавме денеска. Ова за нас беше важна победа, одигравме 4-5 добри натпревари, со повеќе среќа би завршиле сигурно погоре, а атмосферата е на највисоко ниво и останува да се подготвиме за Франција. Јас се трудам на секој натпревар да го дадам максимумот и се надевам дека моите одбрани помогнаа за резултатот”, изјави Кизиќ.
Натпреварот меѓу Македонија и Франција е на програмата в сабота од 20:30 часот.
