Откако се раздели со данскиот стратег Улрик Киркели, раководството на Ѓер го промовираше новиот тренер.
Станува збор за Швеѓанецот Пер Јохансон, кој е селектор на холандската репрезентација, а сега ќе има и паралелна работа.
Тој е селектор на Холандија од 2022, а во 2023 го освои петтото место на СП, а претходно седеше на клупата на Црна Гора и Шведска.
На клупско ниво, го водеше романскиот ЧСМ Букурешт, а потоа беше дел од рускиот тим Ростов Дон.
Ѓер оваа сезона игра под очекувањата и заостанува четири бода во унгарскиот шампионат зад Ференцварош, но во Лигата на шампионите обезбеди директно место во четвртфиналето.
ПОВРЗАНИ ВЕСТИ
