Кувајтскиот Бурган испиша историја и за првпат ја освои титулата во Азиското клупско првенство, откако во драматично финале по продолженија го совлада саудискиот Ал Калиџ со 34-32.
Тимот од Кувајт, кој сезонава дебитираше на турнирот, стигна до историскиот трофеј по голема борба. Во регуларниот дел финалето заврши нерешено, 27-27, иако Ал Калејџ во финишот имаше предност од три гола (27-24) и беше блиску до титулата.
Сепак, Бурган не се предаде. Предводен од јапонскиот ас Косуке Јасухира, кој постигна девет погодоци, и Египќанецот Хасан Кадах со осум гола, кувајтскиот состав успеа да избори продолженија, а потоа и целосно да ја преземе контролата врз натпреварот.
Голем придонес во победата имаше и голманот Абделрахман Хомајед, кој запиша десет одбрани и беше еден од најзаслужните за историскиот успех на својот тим.
За Бурган ова е прва титула и воедно прв пласман на Светското клупско првенство на ИХФ, каде ќе стане четвртиот кувајтски клуб што ќе настапи на ова натпреварување.
Египетскиот десен бек Мохсен Махмуд од Бурган заврши како најдобар стрелец на турнирот со 61 погодок, а неговиот соиграч Косуке Јасухира беше прогласен за најкорисен играч (МВП).
Ол-стар тим:
Голман: Абделрахман Хомајед (Бурган)
Десно крило: Хусаин Алмутава (Бурган)
Десен бек: Мошен Махмуд (Бурган)
Среден бек: Мустафа Хеиба (Ал Духаил)
Лев бек: Мохамед Хабиб Мохамед (Ал Калиџ)
Лево крило: Абдула Касем Ал Хулали (Ал Калиџ)
Пикер: Али Ахмед Ал Ибрахим (Ал Калиџ)
МВП: Косуке Јасухира (Бурган)
Најдобар стрелец: Мопен Махмуд (Бурган) 61 гол
