Еден од домаќините на Мундијалот, Хрватска, имаше победнички старт на подготовките за СП на кое влегуваат со големи амбиции.
Избраниците на Дагур Сигурдсон славеа против Италија со 36-20 предводени од голманот Иван Пешиќ, кој уште во првиот дел запиша 12 одбрани. Во вториот дел и Матија Шпикиќ имаше одлична партија, па Италијанците немаа шанси за камбек.
Уште на стартот домаќините се одлепија на плус пет, 8-3, откако лесно реализираа крилата Шоштариќ и Јелиниќ, и потоа се беше полесно.
На паузата беше 15-10, во вториот дел шанса добија оние со помала минутажа и на крајот Италијанците од Пореч си заминаа со полна мрежа голови.
Катар на Веселин Вујовиќ ја победи Аргентина со 30-25, а овие две селекции утре ќе одиграат уште еден натпревар.
Тунис, за кој играат Маргели од Вардар и Хосни од Еурофарм Пелистер, прослави двоен триумф над Кувајт, кој пак претходно имаше победа и пораз во двомечот со Италија.
Пријателски натпревари пред СП, резултати:
Кувајт – Италија 30-29
Италија – Кувајт 31-28
Македонија – Нови Београд 85-44
Македонија – Динамо Панчево 51-46
Тунис – Кувајт 37-31
Аргентина – Катар 25-30
Тунис – Кувајт 35-34
Хрватска – Италија 36-20
Македонија – Србија
