Денес во рамки од Лигата на Европа во машка конкуренција ќе се одиграат сите 16 натпревари од второто коло.
Тимот на Кире Лазаров првата победа во дебитанската сезона на европска сцена ќе ја брка на гостински терен во Шпанија.
Македонскиот вицепрвак како втор ривал ја има Ла Риоха, која во првото коло беше убедливо поразена од Силкеборг со 34:25.
Како што е познато, избраниците на Лазаров во првото коло беа немоќни против српскиот шампион Војводина, па така денес ќе се обидат да стигнат до првите бодови на европска сцена.
Свој настап во второто по ранг европско клупско натпреварување ќе имаат Филип Талески и Бојан Маџовски.
Талески со Бенфика ќе го пречекаат Кристијансад, додека Маџовски и Ловќен во Подгорица ќе му бидат домаќини на Фленсбург, кој е еден од фаворитите за пласман на Ф4 турнирот.
Распоред на натпреварите од 2. коло во Лигата на Европа:
Група А
Бенфика – Кристијансад 18:45ч
Рајн Некар – Нант 18:45ч
Група Б
АЕК Атина – Криенс Луцерн 18:45ч
Горњик Забже – Хановер 20:45ч
Група Ц
Савехоф – Горење 18:45ч
Винтертур – Куенка 20:45ч
Група Д
Скјерн – Повашка Бистрица 18:45ч
Нексе – Брага 20:45ч
Група Е
Кадетен – Елверум 18:45ч
Ловќен – Фленсбург 20:45ч
Група Ф
Ла Риоха – Алкалоид 20:45ч
Војводина – Силкеборг 20:45ч
Група Г
Изиѓач – Фуксе Берлин 18:45ч
Шамбери – Динамо 20:45ч
Група Х
Констанца – Спортинг 18:45ч
Хобри Глогов – Татабања 18:45ч
ПОВРЗАНИ ВЕСТИ
