Црногорскиот „Лоб Спорт“ најави домино-ефект и промени на врвот на Европската и Светската ракометна федерација. Црногорецот Предраг Бошковиќ би требало да биде на местото на Михаел Видерер во Виена, додека Видерер би бил замена за Хасан Мустафа во Базел.
Мустафа е веќе 24 години претседател на ИХФ, и 80-годишниот Египќанец го одработува шестиот мандат. Но Германците, Скандинавците, па и земјите од арапскиот свет, заговараа промени на власта во ИХФ.
Прв и најсериозен кандидат за наследник на Мустафа е Видерер, кој одработува втор мандат на чело на ЕХФ.
На местото на Видерер би дошол Бошковиќ, човек за кој се врзуваат најголемите успеси на Будуќност и црногорскиот ракомет, кој сега е во улога на потпретседател на ЕХФ и логичен след на настаните би било тој да го наследи Видерер.
Доколку се остварат најавите на „Лоб Спорт“ и Црногорец дојде на чело на ЕХФ, тогаш и балканскиот ракомет ќе има значајна улога во Европа.
