Ракометарите на Вардар Неготино ја запишаа втората победа во новата сезона од прволигашката конкуренција.
Избраниците на Аце Станковски прославија триумф над Преспа на домашен терен со 31-22 во натпревар од 4 коло.
Гостите водеа со 2-0, а потоа се беше во знакот на домаќините кои на паузата водеа со 16-11, а потоа рутински го одработија и вториот дел.
Најдобри стрелци во победничкиот тим беа крилата Мартин Димов со осум и Костадин Петров со седум гола, а Мартин Табаковски даде шест погодоци за Преспа.
Во следното коло Преспа ќе го пречека составот на Радовиш, додека Вардар Неготино ќе гостува кај Текстилец во Штип.
