Денеска со девет натпревари ќе стартува новата сезона во Лигата на Европа, во која ќе играат 32 екипи поделени во осум групи.
Прво и второпласираните продолжуваат во плеј-оф фазата, а најинтересно за македонската јавност треба да биде на пресметката меѓу Гумерсбах – Вибжеже Гдањск, кои се во групата на Еурофарм Пелистер.
Трофејот минатата сезона го освои Мелсунген, кој сега игра во Лигата на шампионите, а најголем фаворит за оваа сезона е Фленсбург. По него, високо котира и македонскиот вицепрвак, но во следната фаза од елиминациите ќе се приклучат 12 екипи што ќе бидат елиминирани од Лигата на шампионите, па сигурно ќе има возбудливи дуели.
Покрај натпреварите од ЛЕ, на меѓународна сцена се играат и четири средби од Светското клупско првенство, кои немаат резултатско значење, бидејќи се знаат финалистите, а на домашна сцена ќе има еден натпревар.
Пред европскиот двомеч, Вардар ќе гостува кај Деспина во првиот натпревар од 4 коло во Супер женската лига.
ДЕНЕСКА НА ТЕРЕНИТЕ:
12:15 ЗАМАЛЕК – ПИЊЕИРОС (СВЕТСКО КЛУПСКО ПРВЕНСТВО)
14:30 БАРСЕЛОНА – МОНТАДА (СВЕТСКО КЛУПСКО ПРВЕНСТВО)
16:45 ВЕСПРЕМ – БУРГАН (СВЕТСКО КЛУПСКО ПРВЕНСТВО)
19:00 ФУКСЕ БЕРЛИН – АЛ АХЛИ (СВЕТСКО КЛУПСКО ПРВЕНСТВО)
18:45 БУЗАУ – АГУАШ САНТАШ (ЛИГА НА ЕВРОПА)
18:45 ГУМЕРСБАХ – ВИБЖЕЖЕ ГДАЊСК (ЛИГА НА ЕВРОПА)
18:45 ИЗВИЃАЧ – ШАМБЕРИ (ЛИГА НА ЕВРОПА)
18:45 КАРВИНА – ХОЛСЕТБРО (ЛИГА НА ЕВРОПА)
18:45 САВВЕХОФ – СЕСВЕТЕ (ЛИГА НА ЕВРОПА)
20:45 БЕНФИКА – ТОРЕЛАВГА (ЛИГА НА ЕВРОПА)
20:45 ЕЛВЕРУМ – ХАМАРБИ (ЛИГА НА ЕВРОПА)
20:45 НЕКСЕ – СЕН РАФАЕЛ (ЛИГА НА ЕВРОПА)
20:45 ВАЛУР – МОРС (ЛИГА НА ЕВРОПА)
19:15 ДЕСПИНА – ВАРДАР (МАКЕДОНИЈА)
