Екипата на Спартак имаше убедлив старт на новата сезона во Супер Женската лига, откако славеше против новиот член на елитата, Атлетик, со убедливи 36-24.
Избраничките на Симе Симовски покажаа дека сезонава ќе целат високо и уште по првиот дел ја најавија победата.
По 3-3, Спартак се одлепи на 7-3, а потоа за десетина минути преку Цветановска, Божиноска и Николовска успеа да изгради значајна залиха, 13-6.
Потоа се беше полесно и рутински одработено од ракометарките на Спартак, кои во ниту еден момент не дозволија ривалот да се закани со камбек.
Анастасија Николовска со девет и Таида Беровиќ со седум гола беа меѓу најзаслужните за триумфот, додека кај Атлетик осум гола даде Сара Богојеска.
▶▶▶ Приклучи се на VIBER – https://abit.ly/viber-24rakomet
Добивај директно РАКОМЕТНИ ВЕСТИ на твојот мобилен телефон 📲.
Со еден клик до сите вести. 🤾
