Новиот прволигаш Илинден го промовираше второто засилување за претстојната сезона во која ќе дебитира во сениорска конкуренција.
Станува збор за 19-годишниот среден и лев бек, Лука Перуновски, кој досега играше за три други клубови.
Перуновски беше дел од Голден Арт, потоа играше за Бутел Скопје и младинците на Вардар, а сега ќе има нов предизвик во кариерата.
Илинден претходно го договори голманот Наум Симјановски, како и тренерот Дарко Јанев, кој во стручниот штаб ќе го има Дејан Пецаковски.
