Актуелниот освојувач на трофејот во Лигата на Европа, Фленсбург, ќе го брани истиот откако стана прв учесник на Ф4 во Хамбург.
По ремито на домашен терен 39-39 со екипата на Хановер, Фленсбург славеше на гостински терен со убедливи 43-35 и покажа кој е кој во овој дуел.
Хановер водеше со три гола во првиот дел во повеќе наврати, но пред паузата имаа мал пад во играта, Фленсбург тоа го искористи и казни за плус два, 22-20.
На стартот на второто полувреме следуваа три гола по ред на Јакобсен и Питлик за 25-20 и тоа беше најава дека Фленсбург нема да препушти ништо на случајноста.
Најдобар поединец во победничкиот тим беше Ласе Мелер со десет голови, Јакобсен даде девет, а Питлик осум гола, додека кај Хановер се истакна Тисие со десет погодоци.
