Одбраната го добива натпреварот, а по регуларниот дел од сезоната единствениот тим во Супер лигата што примил помалку од 500 голови на 22 натпревари е Охрид. Тие ја имаат најдобрата одбрана од сите 12 екипи. Сега почнува плеј-офот, па охриѓани влегуваат со епитетот „најцврсти“.
Охриѓани во просек примале по 21,5 гола по натпревар, што е најдобар дефанзивен учинок меѓу екипите што ќе играат во плеј-офот за титулата. Само Вардар и Еурофарм Пелистер успеале да му дадат на Охрид повеќе од 30 гола, по 33 на нивните мечеви.
Во споредба со останатите тимови од водечката четворка, Охрид убедливо стои најдобро во овој сегмент. Еурофарм Пелистер примил 537 гола, односно во просек 24,4 по натпревар, Вардар примил 554 гола или 25,2 по меч, додека „сино-белите“ од Автокоманда имаат 563 примени гола, што е просек од 25,6 по натпревар. Тоа значи дека Охрид примал речиси 3 до 4 гола помалку по меч во однос на своите директни ривали од врвот.
Кога станува збор за гол-разликата, тука најдобар е Еурофарм Пелистер со +231, благодарение на односот 768:537. Зад него е Охрид со +202 (675:473).
Со вакви бројки, Охрид во плеј-офот влегува со јасен адут – одбраната. Ако се суди според регуларниот дел, токму цврстата дефанзива е најсилното оружје на охриѓани во битката со Вардар и Еурофарм Пелистер во разигрувањето за титулата.
Клучни бројки од водечката четворка:
Охрид – 473 примени гола, просек 21,5
Еурофарм Пелистер – 537 примени гола, просек 24,4
Вардар – 554 примени гола, просек 25,2
Најдобра гол-разлика:
Еурофарм Пелистер +231
Охрид +202
Алкалоид +186
Вардар +175
Во првото коло од плеј-офот Охрид гостува кај Бутел, Тиквеш е домаќин на Еурофарм Пелистер, а Вардар гостува во Автокоманда.
