Иако беше поврзуван со трансфер во хрватскиот првак Загреб, сепак помладиот од браќата Душебаеви најверојатно ќе се пресели во Бундес лигата.
Според полските медиуми, Даниел Душебаев е на добар пат да го засили тимот на Мелсунген, кој е предводен од Роберто Гарсија Парондо.
Даниел исто како и Алекс, по седум сезони ќе се раздели со полскиот Келце, каде тренер е нивниот татко Талант.
Алекс беше поврзуван со Вардар и Кил, но според „Билд“ е на добар пат да потпише со Гумерсбах до 2029 година.
