Хрватска го запиша првите бодови во главната фаза и се приклучи во трка за полуфинале откако ја совлада репрезентацијата на Исланд со 30-29 (19-15).
Хрватска на крилата на Срна и Мараш го диктираше темпото и имаше контрола над резултатот во првиот дел. Предноста растеше до 4 голови, а токму со таа разлика заврши и првиот дел за 19-15. Вториот дел го одбележа драматична завршница.
Во втората минута од натпреварот повреда заработи новото засилување на Охрид, хрватскиот голман Дино Славиќ, но Доминик Кузмановиќ беше одлична алтернатива и во одредени моменти беше клучен за одржување на предноста на Хрватска.
Во второ полувреме Исланд ја врати неизвесноста. Три голови за пет минути, беа знак дека одбраната на Хрватска не е на висина на задачата. За жал потфрли и нападот на Хрватска, па од изнудените удари кон голот на Исланд профитираше противникот и ја намали разликата на само гол дефицит, 20-19.
Средина на вториот дел секоја грешка значеше промена во резултатот. Исланд направи две, а потоа и Хрватска се реваншираше, но улогите на терен не се променија. Хрватска го диктираше темпото и минималното водство на семафорот.
Во последните пет минути Хрватска влезе го гол предност. Разлика која се задржа до самиот финиш кога Дино Славиќ се врати на голот на Хрватска и одбрани пенал, по што Хрватска се одлепи на три недостижни голови залиха. До крајот Исланд намали два гола но не ја загрози победата на Хрватска за конечни 30-29.
