Еден од кандидатите за првото место во прволигашката конкуренција, Драчево Јуниор, запиша нов триумф во новата сезона.
Избраниците на Велимир Настески беа подобри од Преспа со 43-14, а ова беше трета победа во три меча за нив.
Победникот беше решен уште по првото полувреме, кога домаќините водеа со 20-8, а вториот дел беше само формалност.
Најдобри стрелци кај Драчево Јуниор беа Димитар Петковски и Филип Дабески со по седум гола, а кај Преспа четири реализации имаше Јовче Милошевски.
