Амбициозната Македонија Ѓорче Петров по двата порази на стартот, конечно ја запиша првата победа во новата сезона од Првата лига.
„Лавовите“ славеа на гостувањето кај Кичево сo 34-23, иако на полувремето имаа само минимална предност, 15-14.
Сепак одбраната на гостите беше одлична во вториот дел, дозволи само девет погодоци, а нападот си ја заврши својата работа.
Предводници на Македонија Ѓорче Петров до првиот триумф беа Михаел Тотиќ со осум и Бобан Петров со седум погодоци, додека кај Кичево се истакна Стефан Стефаноски со седум гола.
