Амбициозниот Вардар Неготино стартуваше победнички во новата сезона во прволигашката конкуренција.
Избраниците на Пепи Манасков славеа на гостувањето кај Овче Поле во Свети Николе со убедливи десет гола разлика, 33-23.
На паузата неготинци имаа плус пет, 15-10, а во второто полувреме ја дуплираа предноста и немаа проблеми за да освојат целиот плен.
Предводник на победничкиот тим беше Мице Шилегов со 12 голови, а шест постигна Христи Бикоски, додека пет пати погоди Ѓорѓи Орешков.
Во составот на Овче Поле, десет гола постигна Иван Димчевски.
