Естонската ракометна федерација по скоро две години соработка со тренерот Мартин Нудла направи промена и на местото на главен тренер на машката репрезентација го именува финскиот стратег Кај Кеки, еден од најуспешните ракометни тренери во историјата на Финска. Кеки, 62-годишен, има повеќе од 30 години искуство во водство на клубови и репрезентации.
Мартин Нудла ја предводеше Естонија во квалификациите за Европското првенство 2026, каде што неговиот тим беше дел од група заедно со Македонија, Литванија и Словенија. Естонците не успеаја да изненадат и претрпеа порази од сите репрезентации по што федерацијата реши да повлече нов потег и да донесе искусен селектор.
Во својата богата кариера, Кеки ги водел финските младински репрезентации на Европски првенства и двапати бил главен тренер на финската машка репрезентација (1993–1998 и 2015–2019). На клупско ниво, тој освоил 12 титули првак на Финска со пет различни клубови и во 2016 година го одвел Кокс до злато и во Балтичката лига.
Кеки не е само искусен, туку и меѓународно признат тренер, кој образува тренери низ цела Европа. Како нов селектор, тој прво ќе се запознае со естонскиот ракомет, со играчите и клубовите, а потоа ќе подготви долгорочен план за развој.
Претседателката на Естонската ракометна федерација, Кристина Калас, објаснува: „Не баравме само тренер, туку лидер за развој. Кеки носи искуство и визија кои ќе ни помогнат да го достигнеме нашиот цел – до 2030 година да бидеме меѓу најдобрите 24 машки репрезентации во Европа.“
