Големо изненадување во ракометниот свет – младата шведска ракометарка Јохана Естблом (22) одлучи да стави крај на кариерата и тоа во момент кога се сметаше за една од најголемите надежи.
Пред само неколку месеци со својот клуб Х65 Хер го освои националниот куп на Шведска и беше прогласена за најдобра на финалето, а во април дебитираше за сениорската репрезентација на Шведска и постигна шест гола.
Но токму тогаш веќе ја донела одлуката да се „пензионира“.
„Сакав да искусам живот без ракомет – без фиксни распореди, да патувам, да јадам кога и што сакам, да имам време за студии и нормална работа,“ вели Естблом.
Таа ќе продолжи со студии по маркетинг, а не ја исклучува можноста еден ден повторно да се врати на терените.
