По скршеницата на ногата што ја заработи на полуфиналето од завршниот турнир кај младинците, Самоил Ристевски беше успешно опериран.
Неговиот клуб Еурофарм Пелисер објави дека операцијата поминала во најдобар ред, а сега кружниот напаѓач го чека долг период на рехабилитација.
Ристевски ќе паузира пет-шест месеци и сигурно ќе го пропушти есенскиот дел од сезоната, но и настапот на СП за младинци во Полска.
Тренерот Раул Алонсо ги има на располагање само Жарко Пешевски и Мохамед Мамду за последните средби од Супер лигата и Купот на Македонија.
Ова е голем проблем и за селекторот на младинците, Раде Стојановиќ, пред Мундијалот што се игра во јуни.
