Денеска во данскиот град Хернинг ќе се одржи ждрепката за Европското првенство 2026 што ќе се игра во Данска, Норвешка и Шведска.
Врз основа на рејтингот и на пласманот во квалификациските групи, но и пропозициите на ЕХФ за носителите, Македонија се најде во третиот шешир.
Најпрво ќе се влечат селекциите од вториот шешир, па оние од првиот, па последниот и дури на крај се репрезентациите од третиот шешир, меѓу кои и Македонија.
Македонија би можела да се падне во „група на смртта“ со Данска, Хрватска и Србија во Хернинг, или со Шведска, Хрватска и Србија во Малме, или пак со Франција, Норвешка и Србија во Осло.
Ако можеме да бираме, сигурно прва опција би била групата Д во Осло, со селекцијата на Фарски Острови од втор шешир, Унгарија од прв и со Романија или Украина од последниот шешир.
ЕП 2026 ќе се игра од 15 јануари до 1 февруари во четири градови – Хернинг во Данска, Осло во Норвешка, како и Кристијанштад и Малме во Шведска.
