Актуелниот шампион Ѓорче Петров запиша 12 победа во 12 коло од плеј-офот во Женската лига и славеше против Астибо со 43-17.
Како и на многуте натпревари на „лавиците“, и овој беше решен уште по првото полувреме кога домаќинките водеа со 21-7.
Домашниот стратег Симе Симовски имаше можност да комбинира и им даде шанса на сите ракометарки.
Најдобри стрелци во победничкиот состав беа Емилијана Ризоска и Ана Марија Коларовска со по седум гола, а кај Астибо девет гола даде Марија Анчева.
Ѓорче Петров е на врвот на табелата со 25 бодови, втор е Металург Автокоманда со 17 бода, додека Чаир е трет со 15.
