По десниот бек Марек Марцинијак и голманот Милош Валах, Вардар го промовираше и третото засилување за претстојната сезона.
Од следната сезона нов член на „црвено-црните“ ќе биде полскиот репрезентативен пивотмен Виктор Јанковски (23 години) кој се согласи на тригодишна верност со македонскиот клуб. Јанковски е висок 200 см. и ќе биде важна алка во тимот, во одбрана и во напад.
Покрај играњето во екипата на Квижун каде сега настапува, Јанковски бил член и на Висла Плоцк каде беше дел од составот што беше пријавен за настап во Лигата на шампионите во сезоната 2019/2020, а има настап и во квалификациите за Лигата на Европа во 2022/2023.
Неколку години тој е дел од сениорската репрезентација на Полска, се наоѓа на поширокиот список, а минатиот месец настапи и на дуелот со Португалија во квалификациите за ЕП 2026. Претходно беше на располагање на полскиот селектор и за квалификациите од ЕП 2024 и СП 2025. Ги има минато и младинските репрезентации на Полска каде беше стандарден член.
Сезонава Јанковски има настапено на 25 натпревари за клубот, постигнато 63 гола, 15 асистенции и процент на реализација од 76% на упатените удари. Сите голови ги постигнал од линијата на шест метри.
Во силното првенство на Полска, претходните две сезони неколкупати бил прогласуван за најдобар пивотмен на колото.
