Единственото нешто што им фалеше во богатите кариери на Славе Николов и Ѓорѓи Начевски, финалето на ЛШ, го „добија“ оваа сезона.
Европската ракометна федерација ги делегираше најдобрите арбитри за финалниот натпревар од елитната конкуренција што ќе се игра во Келн.
Тие досега беа дел од многу ЕП, СП и ОИ, како и клупски натпреварувања, меѓу кои и Ф4 во Келн, но никогаш досега не го суделе финалето.
Покрај ова достигнување, Начевски и Николов претстојното лето ќе бидат дел од уште еден голем настан – Олимписките игри.
На завршниот турнир во Лигата на шампионите оваа сезона во „Ланксес Арена“ на 8 и 9 јуни ќе играат Кил, Магдебург, Алборг и Барселона.
ПОВРЗАНИ ВЕСТИ
