Унгарскиот гигант Веспрем на гостувањето во Франција кај Монпелје славеше со 37:31 (18:17) во натпревар од претпоследното коло од групната фаза во Лигата на шампионите.
Веспрем мораше да го добие овој дуел за да остане во игра за директен пласман во четвртфиналето.
Избраниците на Момир Илиќ во следното коло играат против Магдебург, директниот ривал за второто место во групата Б.
Исто како и на денешниот дуел, унгарскиот тим ќе мора да слави против актуелниот бранител на титулата.
Најефикасни во победата на Веспрем против Монпелје беa Никита Вајлупов со осум и Недим Ремили со седум погодоци.
Кај Монпелје се истакна репрезентативецот на Шведска, Себастијан Карлсон, кој постигна пет погодоци.
ПОВРЗАНИ ВЕСТИ
