Екипата на Вардар е победник на 51. издание на турнирот во Струга, откако во финалето против Алкалоид славеше со 25:20.
Вардар сега во својата колекција има 14 титули од турнирот во Струга, додека македонскиот шампион Еурофарм Пелистер е на второ место со 13 титули.
За најдобар голман на турнирот беше прогласен Мартин Томовски, кој во финишот од финалниот дуел одбрани неколку клучни топки и ги откажа избраниците на Кирил Лазаров.
,,Тие ситници со временските неприлики не пореметиа и нас и нив, и моравме овде да дојдеме, да се загрееме, да се мотивираме…Им честитам на Алкалоид на добрата игра, но исто така сакам да му честитам и на мојот тим, бидејќи колективот победи денеска, бевме добри во одбраната и знаевме што правиме во нападот. Топките кои ги одбранив се погодија во прав момент, но не можам сам себе да си ставам заслуги, одбраната многу добро ја заврши работата, ние сме тим, секогаш се надополнуваме, така што имавме одлична партија и добра увертира пред дуелот со Рајн Некар. Осовоената титула ќе биде од голема корист, имплус, мотивација, за да се подготвиме добро за Рајн Некар и да го дадеме најдоброто од себе на тој дуел. Ги повикувам сите љубители на ракометот, фанови на Вардар, сите комити, да дојдат да нѐ поддржат в саботасво дуелот со германскиот тим”, изјави Томовски.
Вардарци наредниот викенд, на 26-ти август, на свој терен ќе го пречекаат тимот на Рајн Некар во рамки од квалификациите од Лигата на Европа.
Финалето на Струшкиот турнир продолжува во спортска сала „Тими“ од 21:30 часот
ПОВРЗАНИ ВЕСТИ
