Машката репрезентација на Македонија ја очекуваат последните два меча од квалификациите за пласман на ЕП 2024 година.
Избраниците на Кире Лазаров гостуваат во Луксембург на 26 април, а домаќините веќе ги пуштија во продажба билетите за овој натпревар.
Билетите се по цена од 30 евра, додека за студенти има попуст и за нив билетите чинат 12 помалку, односно 18 евра. Со оглед на тамошниот стандард, овие цени се сосема нормални, иако нам ни изгледаат превисоки.
Натпреварот меѓу Луксембург и Македонија се игра на 26 април од 20:15 часот, а последниот против Турција е на програмата на 30 април од 18:00 часот.
Македонија е веќе пласирана на ЕП, но за потврда на второто место во групата и трет шешир пред ждрепката ќе треба да победи на двата меча.
ПОВРЗАНИ ВЕСТИ
