Групната фаза во Лигата на шампионите заврши и познати се сите екипи кои продолжуваат во нокаут фазата, односно четврт-финалето и осмина-финалето. Единственииот претставник од Македонија, Вардар го продолжува натпреварувањето а во осмина-финалниот дуел ќе има добро познат противник, унгарски Веспрем.
Четири екипи обезбедија директен пласман во четврт-финалето, тоа се првопласираните од двете групи. Од групата А четвртфиналисти се Алборг кој беше победник во групата со 11 победи и само три порази. Зад нив заврши Кил кој имаше една победа помалку и едно реми.
Во групата Б во последното коло дојде до измена на втората позиција, Барселона го прескокна ПСЖ откако претставникот од Франција загуби на домашен терен од Веспрем, а каталонскиот тим го совлада Фленсбург. Четвртфиналисти од групата Б се Келце и Барселона.
Екипи кои обезбедија осмина-финале од групата во која се натпреваруваше Вардар покрај црвено-црните се ПИК Сегед, Монпелје и Елверум додека настапот во елитното натпреварување заврши за Загреб и Мешков Брест. ПСЖ, Порто, Веспрем и Фленсбург ќе се борат за четвртфинале од групата Б, додека Динамо Букурешт и Мотор завршија со европски настапи.
ЛИГА НА ШАМПИОНИ, ОСМИНА-ФИНАЛЕ
ЕЛВЕРУМ – ПСЖ
ПОРТО – МОНПЕЛЈЕ
ВАРДАР – ВЕСПРЕМ
ФЛЕНСБУРГ – ПИК СЕГЕД
Веќе е познат и распоредот за дуелите во четврфиналето, победникот од дуелот помеѓу Вардар и Веспрем за пласман на завршниот турнир ќе игра против Алборг. Кил ќе го чека подобриот од пресметката помеѓу ПСЖ и Елверум. Келце како победник на групата Б ќе игра од подобриот од дуелот помеѓу Монпелје и Порто. Барселона во четвртфиналето ќе игра против подобриот од дуелот ПИК Сегед – Фленсбург.
ЛИГА НА ШАМПИОНИ, ЧЕТВРТ-ФИНАЛЕ
ЕЛВЕРУМ/ПСЖ – КИЛ
ПОРТО/МОНПЕЛЈЕ – КЕЛЦЕ
ВАРДАР/ВЕСПРЕМ – АЛБОРГ
ФЛЕНСБУРГ/ПИК СЕГЕД – БАРСЕЛОНА
ПОВРЗАНИ ВЕСТИ
