Тимот на Еурофарм Пелистер има предност на полувремето од натпреварот со швајцарскиот Кадетен Шафхаузен од три гола разлика, 15-12.
Битолчани поведуваа со еден гол разлика, но швајцарскиот тим успеваше да израмни. По 4-4, гостите врзаа два гола во серија и стигнаа до 4-6, но потоа влегоа во црна дупка.
Одбраната на Еурофарм Пелистер беше одлична во овој период, Секељ врза две интервенции и домаќините направија пресврт со три гола во серија, 7-6.
Беше 7-7, но битолчани уште еднаш имаа плус два, 10-8. Периќ промаши пенал, Пилиповиќ симна зицер, па Кадетен пак се врати во игра и израмни на 10-10 преку Цендер.
Повторно следуваа добри минути на Еурофарм Пелистер. Радовиќ и Периќ погодија за ново водство од плус, имаа домашните шанса и за плус три, но не реализираа, па казната стигна во мрежата на Секељ.
Периќ повторно беше прецизен за 13-11, а Секељ му запре удар на Гербл. Убав погодок во следната акција постигна повратникот Радовиќ за 14-11, но потоа беше примен гол за 14-12.
Сепак Табоада со гол во последните секунди ги постави конечните 15-12. Токму Кубанецот, Периќ и Радовиќ погодија по четири пати, Маркоски даде два гола, а Костески стрелаше еднаш.
ПОВРЗАНИ ВЕСТИ
