Косоротов побрз од сирената, донесе бод за Русија и ги шокираше Полјаците

Со гол постигнат во последната секунда од средбата, ракометарите на Русија успеаја да дојдат до првиот бод во втората рунда на Европското првенство откако одиграа нерешено со Полска, 29:29.

Избраниците на Велимир Петковиќ добро го започнаа натпреварот и до 25. минута беа во водство од еден до најмногу три гола позитива. Русите со головите на Житников, Косоротов и Шишкарев имаа предност од 5:2 во воведниот дел. Во продолжението на сцена настапи голманот на полската репрезентација, Матеуш Земжицки, кој во првото полувреме имаше десет интервенции и беше клучна фигура во промената на резултатот во корист за својата репрезентација.

По водството на Русија од 9:7, Полјаците со два гола во низа дојдоа до израмнување на резултатот, 9:9. До крајот на првото полувреме се играше гол за гол, а ракометарите на Патрик Ромбел со подобрата игра во завршниот дел од првите 30 минути успеаја на полувреме да заминат со минимална предност од 13:12.

Полска со голот на Сичко во второто полувреме за првпат дојде до највисоки плус два, 14:12. Во брзата игра на двете репрезентации одбраната речиси беше невидлива, па така за скоро седум минути игра во второто полувреме беа постигнати осум погодоци. По минималното водство на Полска од 17:16, Корнев и Житников ја вратија предноста на својата репрезентација и резултатот во 40. минута беше 18:17 за Русија.

Русија на неколку пати имаше два позитива, но Полска повторно дојде до израмнување на резултатот, 24:24, на десет минути пред крајот. Повторно продолжи играта гол за гол и ниту една од двете репрезентации не можеше да се одлепи на поголема предност од плус еден, па така имаше постојана промена на резултатот.

Ермаков во последната минути не успеа да реализира. Поради тоа, Велимир Петковиќ започна да прави мали сцени, а судиите мораа да му доделат црвен картон. Полска во последниот напад ја искористи ситуацијата со играч повеќе и преку Дашек дојде до 29:28. Сепак, во последната секунда Косоротов не дозволи победа на Полјаците и со својот осми гол и донесе бод на својата репрезентација.

ПОЛСКАРУСИЈА 23 јануари 2022 29 - 29 Крај

Детали

Датум	Време	Лига	Сезона	Match Day	Крај
23 јануари 2022	17:48	EURO22 2GRUPA	2021/2022	23.01.2022	60'

Место

„ОНДРЕЈ НЕПЕЛА“ БРАТИСЛАВА

Резултати

Екипа	1-во полувреме	2-ро полувреме	Резултат
ПОЛСКА	13	29	Реми
РУСИЈА	12	29	Реми

ПОЛСКА

#	Играч	Позиција	Исклучување	Голови
1	Матеуш Корнецки	голман	0	0
2	Дамијан Пжитула	лев бек	1	0
3	Михал Дашек	десно крило	0	6
4	Пјотр Једрашчук	централен бек	0	0
5	Михал Олејничак	централен бек	2	1
7	Патрик Валчак	пивот	1	1
9	Симон Сичко	лев бек	0	8
19	Јан Чувара	лево крило	0	1
21	Камил Шипжак	пивот	0	1
23	Аркадиуш Морито	десен бек	0	6
26	Пжемислав Крајевски	лево крило	1	2
28	Мациј Гебала	пивот	0	0
30	Рафал Пжибилски	десен бек	0	0
36	Давид Давиџик	пивот	0	2
40	Матеуш Зембжицки	голман	0	0
49	Пјотр Чрапковски	лев бек	0	1
	Вкупно		5	29

РУСИЈА

#	Играч	Позиција	Исклучување	Голови
1	Артем Грушко	голман	0	0
3	Дмитри Санталов	лев бек	0	2
17	Александар Котов	десен бек	1	1
20	Михаил Виноградов	лев бек	0	1
23	Роман Осташенко	лево крило	0	2
24	Дмитри Корнев	десно крило	0	3
25	Евгениј Ѕемин	лев бек	0	0
30	Александар Ермаков	пивот	2	1
33	Данил Шишкарев	десно крило	0	1
44	Игор Сорока	лево крило	0	0
76	Радомир Врачевиќ	пивот	0	0
78	Павел Андреев	пивот	0	3
87	Виктор Киреев	голман	0	0
89	Дмитри Житников	централен бек	0	7
98	Никита Каменев	десен бек	0	0
99	Сергеј Марк Косоротов	лев бек	1	8
	Вкупно		4	29

Officials

Судии:
Џули Бонавентура -Франција Шарлот Бонавентура -Франција

ЕП 2022, ГРУПА 2 – ТАБЕЛА