Француска шлаканица за Вардар во Скопје: Монпелје лесно ги преслуша „црвено-црните“

Екипата на Вардар го претрпе првиот пораз сезонава во Лигата на шампионите со 25:31 откако во првите три кола обезбеди две победи и едно реми. Со пет бода котираше високо и се надеваше на уште два бода, но остана далеку откако противникот имаше доминација во текот на сите 60 минути.

Почетокот на натпреварот не беше најдобар за Вардар. Гостите отворија со 2:0, па вардарци мораа брзо да најдат начин да израмнат. Тука следуваше нешто подобра игра од Монпелје, кој уште во 13. минута стигна до плус три, 7:4. Овие три гола разлика не даваа никако позитивен момент.

Иако Вардар стигна до 7:8 премногу брзо работите се вратија на старо и веќе во 24. минута беше 9:12. Во овој период имаше само периоди на добра игра односно периоди во кои имаше некоја одбрана од Ристовски и потоа лесен погодок. Сепак, бавното враќање во одбрана и брзата игра на Монпелје носеше висока предност.

Моментите на игра „7 на 6“ не даваа ништо позитивно бидејќи Монпелје премногу лесно доаѓаше до одбрана и потоа до уште полесни погодоци така што на одмор беше 11:15.

Вториот дел не донесе ништо позитивно во почетните минути. Во првиот напад Монпелје дојде до гол за плус пет. Потоа беше многу тешко да се врати во средбата. На средина од второто полувреме беше доживеан уште потежок удар бидејќи се дојде до 17:23, а тоа беше период во кој голманот Кевин Бонфоа бранеше феноменално или се поставуваше во вистинско време на место.

За момент се чинеше дека Вардар конечно фати ритам, но при нападот за минус три немаше реализација, па како што одминуваше времето така Монпелје зголемуваше. Во 52. минута веќе го имаше и решено победникот откако дојде до 28:20, па на Вардар беше само да се обиде да намали и да го ублажи поразот кој веќе беше тешко да се избегне.

Завршницата донесе неколку одбрани на Томовски за намалување на шест гола негатива и конечни 25:31, но гостите сосема заслужено дојдоа до триумф.

ВАРДАР 1961МОНПЕЛЈЕ 13 октомври 2021 25 - 31 Крај

Детали

Датум	Време	Лига	Сезона	Match Day	Крај
13 октомври 2021	22:12	ЛИГА НА ШАМПИОНИ А	2021/2022	13.10.2021	60'

Место

СЦ „Јане Сандански“

Резултати

Екипа	1-во полувреме	2-ро полувреме	Резултат
ВАРДАР 1961	11	25	Пораз
МОНПЕЛЈЕ	15	31	Победа

ВАРДАР 1961

#	Играч	Позиција	Исклучување	Голови
1	Борко Ристовски	голман	0	0
5	Стојанче Стоилов	пивот	0	2
6	Оливие Њокас	лев бек	0	1
7	Патрик Валчак	пивот	1	0
8	Јоел Куни Моралес	десен бек	0	1
9	Гоце Георгиевски	десно крило	0	1
10	Кевин Њокас	десен бек	0	2
12	Мартин Томовски	голман	0	0
13	Дијало Бакари	лев бек	1	0
14	Јан Чувара	лево крило	0	0
22	Жереми Тото	пивот	0	6
24	Анте Гаџа	централен бек	0	2
28	Филип Талески	лев бек	0	0
31	Тимур Дибиров	лево крило	0	7
45	Дарко Ѓукиќ	десно крило	0	1
47	Анте Кудуз	лев бек	0	2
	Вкупно		2	25

МОНПЕЛЈЕ

#	Играч	Позиција	Исклучување	Голови
1	Марин Шего	голман	0	0
4	Диего Симонет	централен бек	1	0
5	Килијан Вилемино	централен бек	0	7
6	Олафур Гудмундсон	лев бек	0	0
9	Уго Деска	лево крило	0	0
10	Лукас Пелас	лево крило	0	5
13	Жулиен Бос	десен бек	0	7
16	Кевин Бонефо	голман	0	1
17	Бењамин Батаил	лев бек	1	0
18	Марко Паниќ	десен бек	0	2
19	Артур Лене	пивот	1	2
22	Лукас Москарељо	пивот	0	0
28	Валентин Порт	десен бек	0	2
32	Јанис Лене	десно крило	0	2
49	Карл Валиниус	лев бек	1	2
93	Верон Начиновиќ	пивот	0	1
	Вкупно		4	31

ЛИГА НА ШАМПИОНИ – ГРУПА А

ТАБЕЛА