Репрезентацијата на Германија го освои златниот медал на Европското првенство за кадети откако во финалето доминантно стигна до победата против домашната репрезентација на Хрватска со 34:20.
Германците многу полесно од очекувањата триумфираа во клучниот натпервар на првенството, само почетните десетина минути беа израмнети, а потоа доминираше еден тим. До полувремето Хрватска веќе имаше заостанување од пет гола, 14:19.
Во продолжението играта на Хрватска целосно се распадна и негативата постојано растеше за на крајот премногу убедлив пораз. Веќе во 41. минута Германија го имаше обезбедено златниот медал кога поведе со 25:15, а до крај рутински одиграа за конечна победа.
Во борбата за бронзен медал, Шпанија ја совлада Словенија со 37:28. Шпанците го контролираа натпреварот, на полувреме имаа предност од 17:13, а во вториот дел само ја потврдија победата и освојувањето на бронзениот медал.
ЕП ЗА КАДЕТИ – РЕЗУЛТАТИ
ФИНАЛЕ
ХРВАТСКА – ГЕРМАНИЈА 20:34 (14:19)
ЗА 3. МЕСТО
ШПАНИЈА – СЛОВЕНИЈА 37:28 (17:13)
ЗА 5. МЕСТО
ДАНСКА – ПОРТУГАЛИЈА 31:27 (14:12)
ЗА 7. МЕСТО
ШВЕДСКА – ИСЛАНД 26:24 (11:11)
