Машката сениорска репрезентација на Чиле се подготвуваше во Македонија за настапот на Мундијалот во Египет во јануари, а тамошната федерација беше задоволна од условите во Скопје, па реши да испрати уште две свои селекции на подготовки.
Машката младинска селекција на јужноамериканската земја веќе е во македонската метропола од 7 јуни и ќе остане до 22 јуни, а веќе одигра и пријателски натпревар против Работничкки.
Женската младинска репрезентација ќе се подготвува исто така во Скопје од 5 до 15 август, а голема е веројатноста и сениорите по вторпат свои подготовки да имаат во Македонија во следниот период.
Младинските селекции на Чиле се подготвуваат за настап на Пан Американските првенства, што ќе се одржат во ноември.
ПОВРЗАНИ ВЕСТИ
