Ракометарите на Вардар претрпеа тежок пораз на првиот дуел од осминафиналето против составот на Веспрем откако денеска одиграа натпревар со многу голови и резултат 27:41.
Левото крило на Веспрем, Дејан Манасков, не очекувал толку висок триумф над неговиот поранешен тим.
„Не очекувавме меч како овој денес, да победиме така лесно. Бевме многу подобар противник во текот на целите 60 минути, игравме добра одбрана, дававме голови преку контра. Се функционираше според планот. Ова е голем чекор напред кон следната рунда“, изјави Манасков.
Реваншот меѓу Веспрем и Вардар се игра на 8 април со почеток во 18:45 часот.
ПОВРЗАНИ ВЕСТИ
