Левото крило Димитар Димитриоски нема да биде во конкуренција за двомечот со светскиот првак Данска.
Тој се пожали на болки во коленото уште на неделниот тренинг на националниот тим и стручниот штаб одлучи тој да биде поштеден за да не дојде до сериозна повреда.
Селекторот Кире Лазаров на левата крилна позиција ги има на располагање Дејан Манасков и Цветан Кузманоски.
Првиот натпревар меѓу Македонија и Данска се игра вечерва со почеток во 20:00 часот, додека реваншот е во Алборг на 14 март од 16:00 часот.
