Ракометарките на Чаир после дуелот со Наиса, за два дена одиграа два домашните натпревари. Откако славеа против Ѓорче Петров, стигнаа до нов триумф овој пат против Стружанка со 34:25.
Гостинската екипа од Струга добро парираше на почетокот на натпреварот. Како одминуваше натпреварот Чаир градеше предност, но после 10:6, Стружанка успеа да се врати и да намали на 11:10. По првото полувреме домашната екипа имаше предност од 14:11.
Почетокот на второто полувреме донесе убедлива игра на Чаир, отворија со 5:0 и стигнаа до висока предност од 19:11. Оваа позитива беше доволна вториот дел домашниот тим да го доигра рутински и да стигне до нова сигурна пообеда. Со овој триумф Чаир се искачи на четвртата позиција со четити победи и два порази.
Најефикасна во победничкиот состав беше Анастасија Николовска со седум гола. Шест гола постигна Николовска Марија, а по четири пати погодија Леонора Рахмани и Арлинда Динарица. Во екипата на Стружанка најмногу се истакнаа Теодора Маркоска и Магдалена Делиоска со по пет гола, а четири гола постигна Теодора Дукоска.
