Екипата на Металург во средата го претрпе првиот пораз сезонава во Супер машката лига. Тимот кој освои бод во Автокоманда сега дојде до победа против Металург, па Охрид е најнезгодниот ривал за „металурзите“ сезонава.
Сепак, работите на теренот беа поинакви и Металург во добар дел имаше контрола. Меѓутоа, кога најмногу требаше попушти концентрацијата и тогаш дојдоа моментите на голманот Даниловски кој девет минути ги остави без гол своите поранешни соиграчи.
„Охрид поведе од старт и имаше водство во еден дел од првото полувреме. Сепак, ние го имавме водството на полувреме и во голема мера го контролиравме натпреварот. Имавме и три гола разлика во второто полувреме и напад за да дојдеме до четири. Сè беше како што треба, но девет минути останавме без погодок откако се разбрани Даниловски. Тој беше на ниво и успеа да одбрани тешки шутеви. Игравме против цврста екипа која заслужува честитки за победата. Ние немавме загубено, а сега ни следува квалитетна анализа. Мора да ги најдеме грешките и да видиме каде се нашите недостатоци и во плеј-офот да влеземе максимално подготвени. Мораме да бидеме мобилни и да ги поправиме грешките“, изјави Кастратовиќ за 24 Ракомет.
Поради Корона вирусот првенството е одложено две недели така што регуларниот дел нема да може да финишира во предвидениот период.
На Металург му остана уште натпреварот против Радовиш на домашен терен.
