Ракометарот кој се врати во Скопје, но овој пат како играч на Келце, Игор Карачиќ имаше можност да се израдува на бод против своите поранешни колеги после ремито од 28:28.
Тој денеска постигна три гола, но имаше реализација под 50 проценти со оглед на тоа што имаше и четири промашувања.
„Ја прекинавме традицијата на Вардар која ја држеше неколку години тука против Келце. Бевме расположени на теренот. Вардар не изненади со 7 на 6 со три многу паметни, ниски и брзи играчи. На крајот се виде дека Вардар дојде до заслужен бод. Ова беше посебен натпревар за мене и уживав. Ова е едно ново искуство во животот. Им благодарам на сите и на оваа прекрасна публика. Секако и на играчите на Вардар бидејќи сите ми овозможија прекрасен пречек. Се надевам дека на реваншот на домашен терен ќе успееме да победиме и да освоиме цел плен“, изјави Карачиќ.
