Тимот на Чаир и во новата сезона ќе учествува на европска сцена, поточно во Европскиот Куп, во кој ланската сезона стигна до третата рунда, откако во втората рунда го елиминираше косовскиот Истогу.
Чаир настапот во Европскиот Куп сезонава исто така ќе го започне од втората рунда. За избраничките на Басри Љатифи прва пречка во третото по ранг европско натпреварување ќе биде холандскиот Венло.
Првата пресметка меѓу Чаир и Венло ќе се одигра на 23 септември во спортската сала „Автокоманда“, со почеток од 14:00 часот, додека реваншот е закажан на 30 септември во Холандија.
Раководството на Чаир одлучи влезот за дуелот во сабота да биде слободен, со цел клубот да има голема поддршка од трибините и пред реванш средбата да оствари поволен резултат, со кој би бил чекор поблиску до трета рунда во Европскиот Куп.
Освен Чаир, претставници на Македонија во Европскиот Куп сѐ уште шампионот Ѓорче Петров и вицепрвакот Куманово.
ПОВРЗАНИ ВЕСТИ
