Тимот на Фленсбург по ремито на домашен терен со Мешков Брест, забележа победа над унгарскиот ПИК Сегед со 26-24.
По почетните 2-2, Готфридсон донесе највисоки дотогаш плус три 6-3. ПИК Сегед израмни на 6-6, а потоа беше и 8-8. Семпер, Јоханесен и Готфридсон по одбраните на Буриќ донесоа нови плус три, 11-8.
Сепак во финишот на полувремето Кањелас и Радивојевиќ стрелаа за 11-10. Со два гола на стартот на вториот дел преку Род, Фленсбург стигна до 14-11, а потоа гостите останаа без Хенигман кој доби црвен картон.
Немаше проблеми за домашниот тим во финишот да ја задржи разликата, иако по 26-21, унгарскиот претставник стигна да намали на 26-24. Немаше време за комплетен камбек во наптреварот, па победата остана за домашните.
Најдобри стрелци во победничкиот тим беа Јоханесен со шест гола и Готфридсон со пет, а одлична партија имаше и голманот Буриќ, додека кај ПИК Сегед се истакнаа Радивојевиќ и Бодо со по шест погодоци.