Суперлигашот Струга гостуваше во Ресен кај домашната екипа на Преспа и забележа лесна победа од 32:16 во елиминациската фаза од Купот на Македонија. Добрата форма на екипата предводена од Наум Танески беше потврдена и на овој натпревар.
Екипата на Струга оствари убедлива победа, а шанса на теренот имаше за сите ракометари од двете екипи. Стружани со водство од 1:3 го отворија натпреварот и главно преку сите позиции постигнуваа голови. Јанкуловски, Пајкоски и Ракочија беа ракометарите кои го одржуваа солидното водство на гостинската екипа. На полувреме резултатот беше 7:14 за составот на Струга.
Во вториот дел домашните ракометари целосно се изгубија на теренот, а противникот лесно доаѓаше до позиција за гол. Скоро сите ракометари на Струга се запишаа во листата на стрелци и за цели 60 минути во својата мрежа имаа само 16 голови.
Струга беше предводена од Филип Пајкоски со пет погодоци. Во составот на домашните најефикасен беше Шиклевски Филип со шест погодоци.
ПОВРЗАНИ ВЕСТИ
