Белоруското првенство е единственото што се игра во моментите кога сите земји се борат со коронавирусот. Иако и во Белорусија има околу 5.000 заразени, таму нема ниту карантин, а камоли полициски час.
Ракометарот на Машека Могилев, Владислав Барилов кој има 22 години е во карантин со оглед на тоа што неговата сопруга била позитивна на коронавирус.
Сепак неговите соиграчи нема да одат во самоизолација, редовно ќе ги продолжат тренинзите и ќе го одиграат натпреварот против Мешков Брест.
Тој е на програмата в среда, со почеток во 15:00 часот во Могилев. Се очекува реакција за овој случај од страна на Мешков Брест, бидејќи сигурно на ракометарот на шампионот нема да им биде сеедно да излезат на терен.
ПОВРЗАНИ ВЕСТИ
