По завршувањето на сезоната во Суперлигата, 24Ракомет го избра ол-стар тимот, а сега ја објавуваме и листата на најдобрите стрелци во елитното македонско друштво.
Како што беше случај и по завршувањето на регуларниот дел од сезоната, така и по плеј-оф/аут, лидер остана средниот бек на Тиквеш, Страхиња Симиќ.
Тој ги одигра сите 32 меча за кавадаречкиот тим (22 во регуларниот дел и 10 во плеј-офот) и успеа да постигне 187 погодоци или во просек по 6 (5,84) гола на натпревар.
Втор на листата на стрелци е членот на Бутел Скопје, Мирко Мајиќ, кој успеа да постигне 172 гола, но црногорското лево крило одигра два меча помалку од Симиќ. Мајиќ во просек по 6 (5,73) гола на натпревар.
Трет на листата на стрелци е рускиот ас Тимур Дибиров, кој постигна 154 гола. Левото крило на Вардар одигра 25 меча (од 32) во регуларниот дел и плеј-офот и во просек беше стрелец на 6 (6,16) гола на натпревар.
Во ТОП 10 листата на стрелци во сезоната 2021/22 се најдоа уште и Реваз Чантурија, Александар Василевски, Жарко Барјактаревиќ, Здравко Постолов, Стипе Мандалиниќ, Леонид Киселовски и Филип Талески.
Листа на стрелци 21/22
ПОВРЗАНИ ВЕСТИ
