Дисциплинската комисија на Ракометната федерација на Македонија донесе одлука за неодиграниот натпревар од третото коло од прволигашкиот плеј-аут.
Дуелот меѓу Овче Поле и Преспа, кој беше закажан за 8 април, не беше одигран во предвидениот термин, бидејќи гостите од Ресен не допатуваа во Свети Николе.
Според билтенот на РФМ и Правилникот за организација на ракометни натпревари, причините за неодиграниот натпревар се неоправдани.
Дисциплинците на македонската куќа на ракометот ја казнија Преспа со минус еден бод, и доделија службена победа за Овче Поле со 10-0.
Сепак ова ништо не менува на табелата, со оглед дека нема испаѓање од оваа конкуренција, ниту пак се игра за опстанок.
ПОВРЗАНИ ВЕСТИ
